𝐀𝐛𝐞𝐫𝐭𝐮𝐫𝐚 𝐅𝐞𝐢𝐫𝐚 𝐍𝐚𝐬𝐢𝐨𝐧á𝐥, 𝐇𝐨𝐝𝐢 𝐊𝐨𝐦𝐞𝐦𝐨𝐫𝐚 𝐓𝐢𝐧𝐚𝐧 𝟓𝟎 𝐏𝐫𝐨𝐤𝐥𝐚𝐦𝐚𝐬𝐚𝐮𝐧 𝐈𝐧𝐝𝐞𝐩𝐞𝐧𝐝é𝐧𝐬𝐢𝐚 𝟐𝟖 𝐍𝐨𝐯𝐞𝐦𝐛𝐫𝐨

𝐃𝐢𝐥𝐢, 𝟐𝟒 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓

Ministru Komérsiu no Indústria Sr. Nino Pereira, partisipa iha abertura Feira Nasionál ne’ebe ho tema “𝘘𝘶𝘦 𝘢 𝘤𝘦𝘭𝘦𝘣𝘳𝘢çã𝘰 𝘥𝘦𝘴𝘵𝘦𝘴 50 𝘢𝘯𝘰𝘴, 𝘥𝘰 𝘱𝘢𝘴𝘴𝘢𝘥𝘰, 𝘯𝘰𝘴 𝘢𝘴𝘴𝘦𝘨𝘶𝘳𝘦 𝘤𝘰𝘯𝘧𝘪𝘢𝘯ç𝘢 𝘯𝘰 𝘱𝘳𝘦𝘴𝘦𝘯𝘵𝘦 𝘦 𝘦𝘴𝘱𝘦𝘳𝘢𝘯ç𝘢 𝘯𝘰 𝘧𝘶𝘵𝘶𝘳𝘰!”, hodi Komemora Tinan 50 Proklamasaun Independénsia Unilateral 28 Novembro.

Inisiativa ne’e ho objetivu la’ós de’it atu selebra meiu sékulu independénsia nian, maibé mós atu valoriza kultura, ekonomia, no espíritu emprezariál timoroan nian. Feira ne’e halibur grupu hamutuk 150 husi grupu produtores industrializasaun no grupu local kulinaria no artezenatu.

Ho selebrasaun tinan ne’e, Timor-Leste reafirma ninia kompromisu ba pás, demokrasia, no progresu, projeta ba futuru forsa povu ida nian ne’ebé fó onra ba pasadu no harii, ho esperansa, kapítulu sira tuirmai husi ninia istória.

Partisipa iha abertura feira nasional ne’e, PR Dr. Jose Ramos Horta, Prezidenti Parlamento Nasional, Prezidenti Tribunal Rekursu, Deputadu, Membru Governu, Korpu Diplomátiku, Reprezentante Ajensia Internasional iha TL, Reprezentante Konfisaun Relijiozu, Autoridade Sivil no Militar, Instituisaun Autonomu Estadu nian, Autoridade Municipal sira, Setór Privadu sira, Autoridade Local sira nomos partisipante feira.