𝐌𝐢𝐧𝐢𝐬𝐭𝐫𝐮 𝐌𝐂𝐈 𝐡𝐚𝐦𝐮𝐭𝐮𝐤 𝐒𝐄𝐊𝐎𝐌𝐒 𝐧𝐨 𝐒𝐄𝐀𝐊 𝐡𝐚𝐥𝐨 𝐥𝐚𝐧𝐬𝐚𝐦𝐞𝐧𝐭𝐮 𝐨𝐟𝐢𝐬𝐢á𝐥 𝐛𝐚 𝐩𝐫𝐨𝐠𝐫𝐚𝐦𝐚 𝐑𝐓𝐓𝐋 𝐂𝐫𝐞𝐬𝐜𝐞𝐧𝐝𝐨

𝘿𝙞𝙡𝙞, 22 𝙉𝙤𝙫𝙚𝙢𝙗𝙧𝙪 2025

Ministru Komérsiu no Indústria (MKI), atuál Prezidente ALMAMOR hamutuk ho Sekretáriu Estadu Komunikasaun Sosíal (SEKOMS), no Sekretáriu Estadu Arte no Kultura (SEAK) ofisialmente lansa fila-fila programa Crescendo, hodi promove talento musika Timor Oan.

Programa crescendo ne’e diferente ho versaun anteriór, tanba ejize kualker artista sira ne’ebé atu mai prense programa crescendo tenke hatudu sira-nia abilidade rasik ho performa (mostra) ho sira-nia knananuk ka múzika kriadór rasik, artista sira labele kopia (cover), foti ka uza fali ema nian knananuk ka musik ema seluk nian.

“Tanba muzika hanesan lingua universal ida ne’ebé liuhusi muzik ita bele konekta, ho ema hotu-hotu, fatin mak ne’e ona, no mai ita servisu hamutuk hodi dezenvolve kriasaun inovativu foun atu fó kontribuisaun ba hadia indústria múzika iha rai laran, liuhosi distribui no valoriza talentu sira iha kampu múzika.” hatete, Nino Pereira, Ministru MCI

Orgullu tebes tanba palku múzika Crescendo hanesan platforma ida ne’ebé importante tebes ba iha dezenvolvimentu muzika iha rai doben Timor-Leste, ita tenke rekonese mós katak ita mós iha talentu foun kona-ba muzika nian no ita mós iha artista barak tebes, ita konta husi artista ka grupu legendaris sira no artis jerasaun foun.