𝐕𝐢𝐬𝐞 𝐌𝐢𝐧𝐢𝐬𝐭𝐫𝐮 𝐊𝐨𝐦𝐞́𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚 𝐒𝐢𝐦𝐮 𝐕𝐢𝐳𝐢𝐭𝐚 𝐊𝐨𝐫𝐭𝐞𝐳𝐢𝐚 𝐄𝐦𝐛𝐚𝐱𝐚𝐝𝐨𝐫 𝐓𝐢𝐦𝐨𝐫-𝐋𝐞𝐬𝐭𝐞 b𝐚 𝐌𝐚𝐥𝐚𝐲𝐬𝐢𝐚

Dili, 21 Novembru 2025

Eselensia Vise Ministru Komérsiu no Industria Sr. Augusto Junior Trindade, simu vizita kortezia Embaxador Timor-Leste ba Malaysia, Sr. Lisualdu Gaspar, iha Gabinete Vise-Ministru, Fomentu Mandarin Dili, Sesta-Feira, 21/11/2025.

Objetivu vizita ne'e komprimenta malu no atualiza servisu relasaun Komérsiu no Industria nian, ne'ebé Embaxador durante ne'e halo knaar iha Malaysia.

Embaxador informa, investor sira iha interese boot hakarak mai investe iha Timor-Leste, bainhira Timor-Leste sai membru ASEAN, tanba ne'e presiza harmoniza baje legál sira hodi fasilita investor sira ne'ebé hakarak investe iha rai laran.

Embaxador mós hato'o agradese ba Vise Ministru Komérsiu no Industria durante lidera SEOM Timor-Leste, partisipa reuniaun ho ativu tebes, nune'e sai ona membru ASEAN iha fulan kotuk.

Vise Ministru mós apresia ba servisu Embaxador nian ne'ebé durante ne'e koopera di'ak iha enkotru ASEAN nia iha Malaysia.