Iha tersa-feira semana ne’e ekipa hosi empreza philippine Nangoku Corporation West (PNC) husi Japaun, mai hasoru Ministru Komérsiu no Indústria Sr. Nino Pereira, iha salaun Gabinete Ministru MCI Fomentu Bebora.

𝐃𝐢𝐥𝐢, 𝟐𝟓 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓

Iha sorumutu ne’e empreza PNC aprezenta sira nia protidaun atu investe iha indústria Ai oan metan.

Objetivu prinsipal husi inisiativa ne’e mak:

• Kria oportunidade servisu ba sidadaun Timor-Leste, liu-liu iha área rural no remota.

• Aumenta rendimentu ekonomia lokal liuhusi plantasaun ai-oan metan.

• Valoriza kultura agrikultura tradisionál ne’ebé parte hosi moris komunidade sira.

PNC esklarese katak investimentu ne’e, laos buat foun, maibé kontinuidade hosi pratika agrikultura ne’ebé eziste ona iha foho, no hakarak fó kontribuisaun ba dezenvolvimentu sustentável no ekonomia nasional.

Ministériu Komérsiu no Indústria sei fasilita prosesu lisensiamentu no regulamentu komérsiu nian, hodi garante investimentu bele lao tuir lei no prosedimentu ofisiál. Proposta investimentu ne’e sei koordena mos ho MNEC, MCAE, Trade Invest no MAPPF hodi liga ba produtor lokal sira iha baze.

Partisipa iha sorumutu ne’e, Diretór Jeral Indústria, Diretora Regulasaun Komérsiu no Protesaun Konsumidores, Xefe Departamentu MPeME, ekipa husi PNC, nomos Asesor sira.