Ministru Komérsiu no Indústria, Sr. Nino Pereira hala’o reuniaun Sr. Hebi Evry Arianto ho ekipa husi Universidade Internasionál Batam, Indonézia, iha sala Gabinete Ministru MCI, Fomento Mandarin Dili.

𝗗𝗶𝗹𝗶, 𝟮𝟱 𝗡𝗼𝘃𝗲𝗺𝗯𝗿𝘂 𝟮𝟬𝟮𝟱

Objetivu husi reuniaun ne’e, sira mai fahe hanoin durante halo vizita iha Timor-Leste nomos buka hatene kona-ba dezenvolvimentu iha área Zona Komérsiu Livre, Timor-Leste, Iha ne'ebé, Batam mos sai nu’udar Zona Komérsiu Livre.

Iha biban ne’e Sr. Hebi Evry Arianto mos konvida Ministru MCI hodi halo vizita ba Batam atu bele fahe koñesimentu kona-ba oinsa dezenvolve Zona Komérsiu nu’udar sidade komérsiu, atu nune’e fonte rendimentu ekonómiku la’ós de’it petróleu, maibé mós komérsiu, indústria, no turizmu. Batam iha área fronteira entre Singapura no Malázia, Johor, nune’e potensiál turizmu iha Batam mós aas.