𝗗í𝗹𝗶, 𝟮𝟲 𝗡𝗼𝘃𝗲𝗺𝗯𝗿𝗼 𝟮𝟬𝟮𝟱

Ministru Komérsiu no Indústria Sr. Nino Pereira, simu vizita kortezia husi Adjuntu Sekretáriu Jerál CAEXPO Sr. Zeng Zhong ho ekipa, iha sala Gabinete Ministru(MCI) Fomento Mandarin.

Vizita ne’e subliña papel importante kooperasaun Timor-Leste ho ASEAN-Xina ne’ebe hanesan Plataforma ida, hodi promove Timor-Leste nia potensialidade liuhusi komérsiu, investimentu, no forsa kulturál iha Xina-ASEAN Expo (CAEXPO) tinan 2026.

Iha biban ne’e Adjuntu Sekretáriu Jerál CAEXPO mos fó parabens ba Timor-Leste nia adezaun ba ASEAN, hodi nota katak, marku ida-ne’e loke oportunidade foun ba partisipasaun TL iha CAEXPO, atu bele hatudu nia komérsiu, investimentu, no forsa kulturál hamutuk ho membru ASEAN sira seluk, integrasaun rejionál; hametin ligasaun ekonómiku no diplomátiku ho Xina no parseiru sira ASEAN nian nomos vizibilidade ba Timor-Leste hetan plataforma hodi promove nia identidade, produtu, no prioridade dezenvolvimentu iha CAEXPO.

Importante mos atu refere Timor-Leste to’o agora partisipa hanesan konviado, maibe ba dahuluk tanba Timor-Leste sai ona membru ASEAN, Adjuntu Sekretáriu Jerál CAEXPO, konvida Timor-Leste, atu partisipa hanesan membru CAEXPO, ho ida ne’e CAEXPO 2026 sei rezerva paviliaun ho area 180metros kuadros ba Timor-Leste.