𝐌𝐢𝐧𝐢𝐬𝐭𝐫𝐮 𝐊𝐨𝐦é𝐫𝐬𝐢𝐮 𝐧𝐨 𝐈𝐧𝐝ú𝐬𝐭𝐫𝐢𝐚 𝐬𝐚𝐢 𝐢𝐧𝐬𝐩𝐞𝐭ó𝐫 𝐢𝐡𝐚 𝐬𝐞𝐫𝐢𝐦ó𝐧𝐢𝐚 𝐈𝐬𝐚𝐫 𝐛𝐚𝐧𝐝𝐞𝐢𝐫𝐚 𝐛𝐚 𝐊𝐨𝐦𝐞𝐦𝐨𝐫𝐚𝐬𝐚𝐮𝐧 𝐋𝐨𝐫𝐨𝐧 𝐍𝐚𝐬𝐢𝐨𝐧𝐚𝐥 𝐏𝐫𝐨𝐤𝐥𝐚𝐦𝐚𝐬𝐚𝐮𝐧 𝐈𝐧𝐝𝐞𝐩𝐞𝐧𝐝é𝐧𝐬𝐢𝐚 𝐑𝐃𝐓𝐋 𝐛𝐚 𝐝𝐚𝐥𝐚-𝟓𝟎

Covalima 28 Novembru 2025

Iha okaziaun aniversáriu ba dala-50 husi Proklamasaun Independénsia Timor-Leste nian Loron 28 fulan-novembru tinan 2025.

Ministru Komérsiu no Indústria Sr.Nino Pereira, nia palestra akresenta, pontu priódade sira ne’ebé mak enkaixa ona iha diskursu Prezidente da Republika relasiona komemorasaun proklamasaun Unilaterál Independénsia RDTL iha tinan 2025

Ohin ita selebra data ida ne’ebé sai iis loos ba ita-nia identidade nasionál: Aniversáriu ba dala-50 Proklamasaun Unilaterál Independénsia Repúblika Demokrátika Timor-Leste nian.

La'ós de'it data ida iha kalendáriu; ida-ne'e maka eku moris hosi aten-barani, memória no espíritu ne'ebé labele nakfera hosi povu ida ne'ebé, maski iha oras ne’ebé nakukun liu, nunka lakon fiar no la husik esperansa mate.

Tinan lima nulu liubá, ha'u halo parte iha grupu ki'ik ida hosi joven mehi-na'in sira, maioria lahó estudu universitáriu ne'ebé ramata ona, ami barak maka "dropouts", maibé hotu-hotu dudu hosi buat ida ne'ebé boot liu duké koñesimentu akadémiku: konviksaun ne'ebé maka'as katak Timor-Leste merese atu sai livre. Ami laiha diploma, maibé ami iha korajen atu imajina buat ne'ebé imposivel.

Iha serimónia hasa’e bandeira ne’e, Ministru Komérsiu no Indústria halo mós inspeksaun ba parada hodi haree direita formatura.