Ministru MKI sai inspetór iha serimónia hasa’e bandeira, husu atu servi ho disipliña no hatudu protidaun

Dili 1 Dezembru 2025

Ministru Komérsiu no Indústria, Sr. Nino Pereira sai inspetór iha serimónia hasa’e bandeira

Ministru haktuir katak ita tama ona ba fulan ikus husi tinan 2025 nian. Ita mós foin komemora ba dala 50 Proklamasaun Unilaterál Independénsia Repúblika Demokrátika Timor-Leste, ne’ebé mak momentu importante ida iha istória rai doben.

Ita orgullu boot tebes ho antesismu komunidade iha nivel hotu-hotu, ida ne’e mos hatudu katak ita tenke kontínua optimista hatene katak oin mai sei iha dezafiu barak.

Ita mós rekoñese katak atividade no eventu tantu iha nivel nasionál no internasionál barak ne’ebé ita organiza, ida ne’e hatudu ita nia protidaun, ita nia kompromisu, no ita nia servisu no servi di’ak liu tan ba rai doben Timor-Leste.

Ho profisionalismu ne’ebé iha, ita hotu-hotu bele alkansa objetivu dezenvolvimentu sustentável iha ita-nia Nasaun.