𝐕𝐏𝐌 𝐡𝐨 𝐕𝐌𝐂𝐈 𝐒𝐞𝐥𝐞𝐛𝐫𝐚 𝐋𝐨𝐫𝐨𝐧 𝐈𝐬𝐭𝐨𝐫𝐢𝐤𝐮 𝐛𝐚 𝐏𝐫𝐨𝐤𝐥𝐚𝐦𝐚𝐬𝐚𝐮𝐧 𝐈𝐧𝐝𝐞𝐩𝐞𝐧𝐝𝐞𝐧𝐬𝐢𝐚 𝐔𝐧𝐢𝐥𝐚𝐭𝐞𝐫𝐚𝐥 𝐑𝐃𝐓𝐋 𝐛𝐚 𝐝𝐚𝐥𝐚-𝟓𝟎 𝐇𝐚𝐦𝐮𝐭𝐮𝐤 𝐡𝐨 𝐄𝐬𝐭𝐮𝐝𝐚𝐧𝐭𝐞 𝐓𝐢𝐦𝐨𝐫𝐨𝐚𝐧 𝐒𝐢𝐫𝐚 i𝐡𝐚 𝐁𝐞𝐢𝐣𝐢𝐧𝐠

Beijing Xina, 29 Novembru 2025.

Eselensia Vise Ministru Komersiu no Industria, Sr. Augusto Junior Trindade, akompania Vise Primeiru Ministru Ministru Koordenador Asuntu Ekonomiku no Ministru Turismu no Ambiente, Dato' Seri Francisco Kalbuadi Lay, hamutuk ho embaxador, adidu, no estudante sira husi Timor-Leste iha China, selebra loron istoriku ba Proklamasaun Independensia Unilateral Republika Demokratika Timor-Leste ba dala-50 iha sidade Beijing Xina.

VPM, Dato' Seri Francisco Kalbuadi Lay, nia mensajen hateten selebrasaun loron proklamasaun ne'e reflesaun ida ba foin sae sira hodi kaer metin prinsipiu ukun rasik aan hodi kontinua lori Timor-Leste ba oin.

"estudante sira neʼebé halo nia estudu iha nasaun Xina, idak idak konsentra nia estudu ho diak, aprende saida mak imi aprende iha Xina, tanba Xina pais ida ne'ebe riku no boot, imi aproveita ida ne'e eskola ho didiak tanba îmi maka esperansa futuru nasaun nian", dehan VPM.

Selebrasaun Aniversariu tinan 50 ne'e, marka prezensa mos husi Vise Ministru Negósiu Estranjeiru Xina, Sun Weidong embaxador sira husi nasaun membru ASEAN iha Xina, setor privadu, Timoroan sira ne'ebe hela besik sidade Beijing, no korividadus sira seluk.

Entretantu iha selebrasaun ne'e iha mós expozisaun produtu orijinál Timor-Leste nian, no promove fatin turizmu liu husi vídeo no brosira sira.