𝘿í𝙡𝙞, 01 𝘿𝙚𝙯𝙚𝙢𝙗𝙧𝙪 2025

Ministru Komérsiu no Indústria Sr. Nino Pereira hala’o enkontru ho Country Director husi Asian Development Bank (ADB) iha Timor-Leste, Sra. Stefania Dina ho nia ekipa, hodi deskuti kona-ba dezenvolvimentu área parke indústria, nómos servisu seluk ne’ebe maka ADB apoiu ba Ministériu Komérsiu no Indústria(MCI).

Iha sorumutu ne’e koalia mos ADB bele fó apoiu ba MCI, iha dezenvolvimentu parke industrial nómos dezempenha papél MCI nian iha ASEAN, hodi promove komérsiu, investimentu no kooperasaun rejionál.

Iha kontestu ida ne’e, MCI fó prioridade ba dezenvolvimentu planu estratégiku sectorial no politika nasional ba deznvolvimentu komérsiu, tanba iha tinan kotuk 2024 Timor-Leste tama ba iha OMK, nómos tinan ida ne’e iha fulan Outubro ofisialmente Timor-Leste adere ba ASEAN.

Iha sorumutu ne’e Ministru Komérsiu no Indústria akompaña husi Asesor sira iha MCI.