𝐄𝐤𝐢𝐩𝐚 𝐌𝐂𝐈 𝐡𝐚𝐥𝐚’𝐨 𝐄𝐧𝐤𝐨𝐧𝐭𝐫𝐮 𝐡𝐨 𝐄𝐤𝐢𝐩𝐚 𝐊𝐎𝐈𝐂𝐒

Díli, 03 Dezembru 2025

Ekipa Ministériu Komérsiu no indústria (MCI) hasoru malu ho Ekipa KOICS hodi diskute faze preliminár husi Projetu KIKSTART, iha edifisiu MCI, Fomento Mandarin Díli.

Objetivu husi sorumutu ne'e mak atu fasilita konsultasaun preliminár entre KOICS no instituisaun ekonómika prinsipál sira Timor-Leste nian, liuliu Ministeriu Komersiu no Industria, TradeInvest, Autoridade Alfandega no Autoridade Fiskal, atu:

1. Introdús Projetu KICKSTART no ninia programa kapasitasaun ne'ebé planeia ona ba tinan 2026-2027.

2. Avaliasaun kona-ba ajénsia ekonómika Timor-Leste nian atuál sira-nia preparasaun institusionál ba integrasaun ASEAN, inklui kapasidade téknika, legál no prosedural.

3. Identifika lakuna no dezafiu prinsipál sira iha fasilitasaun komérsiu, prosedimentu aduaneiru, armonizasaun tarifa, no enkuadramentu ekonómiku ASEAN nian ne'ebé presiza formasaun alvu.

4. Haforsa koordenasaun no kooperasaun entre instituisaun nasionál sira no KOICS atu asegura partisipasaun efetiva iha programa formasaun sira tuir mai.

5. Estabelese kompriensaun baze ida-ne'ebé sei orienta dezeñu inisiativa atu harii kapasitasaun atu hasa'e Timor-Leste nia kumprimentu ba padraun ASEAN nian Komunidade Ekonomika.

Sorumutu ne'e halibur reprezentante xave sira husi MCI, ajénsia ekonómika relevante sira seluk iha Timor-Leste, no delegasaun KOICS.