𝐌𝐂𝐈 𝐡𝐚𝐥𝐚’𝐨 𝐬𝐨𝐫𝐮𝐦𝐮𝐭𝐮 𝐡𝐨 𝐕𝐞𝐧𝐝𝐞𝐝ó𝐫 𝐀𝐦𝐛𝐮𝐥𝐚n𝐭𝐞 𝐬𝐢𝐫𝐚

Díli, 19 Dezembru 2025

Ministru Komérsiu no Indústria, Sr. Nino Pereira hala’o sorumutu ho vendedór ambulante sira hodi rona sira nia preokupasaun ba sira nia atividade negósiu, iha salaun Auditoriu MCI, Fomentu Mandarin Díli.

Objetivu hosi sorumutu ne’e atu fo valorizasaun, ba vendedor ambulante sira ne’ebe nu’udar setór informal, iha dezenvolvimentu ekonomia liuhusi sira nia esforsu hodi kria rasik serbisu ba sira nia-an hodi kontribui ba dezenvolvimentu nasaun nomós prepara sira ba kompetisaun merkadu liu-liu iha ASEAN.

Iha sorumutu Ministru apresia, ba kontribuisaun vendedor ambulante sira ne’ebe durante tinan barak ho inisiativa ajuda estadu no Governu hodi kria servisu ba sira nia-aan rasik.

Ministru subliña sei sei halo koordenasaun ho parte relevante sira, atu haree ba problema no desafius vendedor ambulante sira nian tanba governu iha kompromisu ida katak labele husi sidadaun ida iha kotuk, maibe nafatin esforsu hodi apoia liuhusi formasaun, ekipamentu no fasilita negosiu, tanba Timor-Leste tama ona ba ASEAN.