Ministru Komérsiu no Indústria S.E señór Nino Pereira fo posse ba Koordenador Gabinete, Diretór Nasionál no Xefe Departementu foun nain sanulu, iha Ministériu Komérsiu no Indústria(MCI). Dili, 24 Janeiru 2025

Iha okaziaun ne’e Ministru MCI apela ba emposado sira atu kordena no halo komunikasaun diak ho diresaun sira iha MCI hodi bele atinji Ministériu nia metas.

“Kargu Diresaun nomós Xefía foun sira ne’ebé simu kna’ar ida ne’e hanesan konfiansa ida ne’ebé fo ba ita bo’ot sira, fiar metin katak durante ita nia servisu hamutuk, ita bo’ot sira sei asume kna’ar ida ne’e ho kuidadu servisu hamutuk besik liu tan ho funsionariu sira, halo kordenasaun no komunikasaun diak ho diresaun hotu-hotu, para ita bele atinji ministériu ida ne’e nia programa sira ne’ebé maka ita hatudu ona iha planu asaun annual 2025”, dehan Ministro Nino Pereira iha Edifisiu MCI, sexta(24/01/25)

Nia mós subliña, tinan ida ne’e 2025, realiza tan tomada de posse atu hodi fasilita serbisu importante sira iha Ministériu Komérsiu no Indústria

Serimónia Tomada de Posse ne’e partisipa husi direta husi Komisaria CFP ne’ebe reprezenta Presidente Komisaun Funsaun Publika, Padre, Diretur Jeral, Diretur Nasionál, Xefe Departamentu, asesór no funsionáriu no familia empossado.

_Remata