𝐌𝐢𝐧𝐢𝐬𝐭𝐫𝐮 𝐌𝐂𝐈, 𝐒𝐢𝐦𝐮 𝐕𝐢𝐳𝐢𝐭𝐚 𝐊𝐨𝐫𝐭𝐞𝐳𝐢𝐚 𝐡𝐮𝐬𝐢 𝐄𝐧𝐤𝐚𝐫𝐫𝐞𝐠𝐚𝐝𝐮 𝐍𝐞𝐠ó𝐬𝐢𝐮 𝐄𝐔𝐀

𝐃𝐢𝐥𝐢, 𝟏𝟏 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Ministru Komérsiu no Indústria Sr. Nino Pereira ohin simu vizita kortezia husi Enkarregadu Negósiu Estadus Unidus Amérika, Sr. Bruce Begnell. Enkontru ne’e fó oportunidade hodi esplora dalan foun atu hasa’e kreximentu ekonómiku iha Timor-Leste.

Diskusaun sira sentra iha dezenvolvimentu Empreza Mikro, Ki'ik no Médiu sira, ho parte rua ne'ebé destaka importánsia atu apoia emprezáriu lokál sira nu'udar motor ba dezenvolvimentu ekonómiku inkluzivu. Ministru no Sr. Begnell troka hanoin sira kona-ba medida prátika sira atu fornese apoiu ba MSME sira, inklui atrasaun investimentu, kapasitasaun asesu ba rekursu sira hodi fó kbiit atu buras iha merkadu kompetitivu sira.

Ministru Pereira subliña kompromisu Governu nian, hodi haburas ambiente negósiu dinámiku ne’ebé fó dalan ba MSME atu buras no kontribui ba prosperidade nasionál. Nia nota katak parseria sira ho parseiru internasionál sira, hanesan Estadus Unidus, esensiál tebes hodi harii reziliénsia no loke oportunidade foun ba timoroan sira.

Sr. Begnell mos sujere Governu liuhusi Ministériu atu organiza Expo ba invetimentu hodi konvida investidoe sira mai hare’e area saida deit maka bele halo investimentu iha Timor-Leste.