𝐃𝐢𝐥𝐢, 𝟏𝟎 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Ekipá téknika husi Ministériu Komérsiu no Indústria(MCI), lidera husi Asesor Sénior Prinsipal no Asesor ba Fortalesimento Institusionál, Señór Francisco “Borlako” da Costa Soares, ohin dadeer hala’o reuniaun, ho ekipa tékniku sira, husi Komisaun Nasionál Aprovizionamentu (CNA), hodi ko’alia kona-ba implementasaun Projetu Parke Industriál Ulmera no Parque Industrial Vatuvou rua, ne’ebe lokaliza iha Munisípiu Liquiçá.

Projetu ne’e seidauk implementa to’o agora, no investidor potensial barak mak hein hela infraestrutura ida-ne’e atu bele instala no hala’o sira nia operasaun, ne’ebé sei sai pasu implementasaun Polítika Nasionál Dezenvolvimentu Industriál.

Durante reuniaun, hetan konsensu kona-ba asaun tuir mai, liu-liu kona-ba kontratu atu hala’o Estudu Viabilidade, ne’ebé Ministériu Turizmu, Komérsiu no Indústria (MTCI) iha tempu ne’ebá, assina ona ho empreza privadu ida.

Fahe mós informasaun kona-ba engajamentu husi Parseiru Dezenvolvimentu rua, hanesan Banco Asiátiku Dezenvolvimentu (ADB) no Grupu Banco Mundial, ho objetivu atu fasilita implementasaun Parke Indústria refere, hahú husi konklui Estudu Viabilidade ne’ebé nesesáriu.