𝐊𝐨𝐦𝐞𝐦𝐨𝐫𝐚𝐬𝐚𝐮𝐧 𝐋𝐨𝐫𝐨𝐧 𝐍𝐚𝐬𝐢𝐨𝐧á𝐥 𝐓𝐚𝐢𝐬 𝐛𝐚 𝐝𝐚𝐥𝐚 𝐈𝐕

𝐃𝐢𝐥𝐢, 11 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Ministru Komérsiu no Indústria Sr. Nino Pereira partisipa iha komemorasaun loron nasionál Tais ba dala-IV, ne’ebe ho tema “ Ho Tais, Hametin Ita Nia Identidade Nasionál”. Iha Palácio Prezidensial Aitarak Laran Dili.

Selebarasaun loron nasionál Tais ne’e, atu fo rekoñesimentu nu'udar Patrimóniu Imateriál Umanidade hosi UNESCO, hodi Promove nu'udar identidade kulturál Timor-Leste nian, hasa'e koñesimentu, divulgasaun, no uza Tais ba ema hotu.

Ministru Komérsiu no Indústria, iha nia diskursu, hateten selebrasaun ne’e fó hanoin katak tais laós deit hanesan artejenatu, maibé sai hanesan identidade nasional.

“Hau sente orgullu hato’o liafuan iha loron ida ne’e, loron ne’ebé ita selebra hanesan loron Nasional Tais. Loron ida ne’e governu dedika ba ita hotu, atu fo hanoin ba ita katak, tais la’ós deit artejenatu, maibé hanesan identidade nasional ida, ne’ebé fó orgullu jerasaun ba jerasaun sira”_dehan Ministru MCI

Aleinde ne’e Ministru mos subliña pontus importante tolu hanesan, tais Hametin identidade nasional no imajen ida ne’ebé reprezenta Timor-Leste iha mundu, fó rekoñesimentu Mundial, tanba iha tempu ne’e, tais la’ós deit parte serimónia maibé sai hanesan simbolu konsensu nasional, tanba sai inspirasaun ba nasaun seluk, nomos ikus liu sai hanesan sinal esperansa ba futuru, tamba bele fó kampu servisu, rendimentu ekonomiku, no sustenta identidade nasional.

Governu kontinua suporta jerasaun foun sira, atu nafatin hametin tais hanesan patrimóniu imaterial ne’ebé fó vida ba tempu tomak.

Partisipa iha serimonia abertura ne’e, Sekretáriu Estadu Arte no Kultura, Xefe Kaza Sivil(SEAC), Xefe Casa militar, adjunta casa Sivil, UNESCO PKI-TL, Diretores kargu chefia, Inan Feton soru nain sira, Akademista, Estudante no konvidadu importante sira.