Dili 5de Março 2025

MCI ho Embaixadór Maláizia Deskute kona-ba Sertifikasaun Produtu Timor-Leste ba Merkadu Internasionál.

 

Ministério do Comércio e Indústria (MCI) liu-husi direção Geral da Indústria Sr. Martins Magno acompanha ho eis Presidente AIFAESA hasoru malu ho Embaixadór Maláizia mai Timor-Leste Sr. Dato’ Amarjit Sarjit Sungh, iha Embaixada Maláizia, lokaliza iha Apartamentu Palm Spring Hudi-laran, Dili, Timor-Leste.

Diretur Jerál indústria Sr. Martins Magno hateten, sorumotu ne’e hodi deskuti kona-ba rekejitus esensiál no pretinente teb-tebes ho papel MCI nian, iha prosesu sira adezaun Timor-Leste ba ASEAN no garante katak Timor-Leste nia patisipasaun nudar membru ASEAN sei iha mós benefísiu iha seitoór komérsio no indústria.

Tanba ne’e, prezensa MCI iha sorumutu ne’e, hodi koordena liu husi Sr. Embaixadór ba Estadu ka Intituisaun relevante Maláizia nian, bele iha dalan no apoiu MCI iha prosesu sira atu sertifika no estandariza produtu Timor-Leste nian ho legál, hodi bele sirkula iha merkadu, tantu nasionál, internasionál hodi atrai investimentu mai Timor-Leste “ Hatutan Diretor Geral da Indústria”

Iha parte seluk embaixadór Maláizia iha Timor-Leste hateten, parte Malaysia, anota asuntu ida ne’e no garante nia apoiu tomak ba Timor-Leste.

Entretantu sorumutu ne’ konsidera nudar nesesidade tebes, ho nue’e tenki esforsu hodi bele garante asuntu ne’e, liu-liu kona-ba food safety iha Timor-Leste no sei prepara nia prosedimentu sira ho esforsu tomak atu Instituisaun Públika ida ne’ebé responsavel dau-daun ne’e mak SIRIM (Standard and Industrial Research Institute of Malaysia) bele hasoru malu ho MCI iha tempu sira ne’ebé sei mai tuir planu no ajendamentu ne’ebé sei konkorda hamutuk, “ tenik embaixador Dato’ Amarjid”