𝐃𝐈𝐓𝐄 𝟐𝟎𝟐𝟓 𝐁𝐄𝐋𝐄 𝐋𝐎𝐑𝐈 𝐏𝐑𝐎𝐃𝐔𝐓𝐔𝐒 𝐏𝐎𝐓𝐄𝐍𝐒𝐈𝐀𝐈𝐒 𝐓𝐈𝐌𝐎𝐑-𝐋𝐄𝐒𝐓𝐄 𝐓𝐀𝐌𝐀 𝐈𝐇𝐀 𝐌𝐄𝐑𝐊𝐀𝐃𝐎 𝐆𝐋𝐎𝐁𝐀𝐋

Dili, 20 Juñu  2025- Ministro Komérsio no Indústria Sr. Nino Pereira hatente, tinan ida ne’e, governo liuhusi Ministério Komérsio no Indústria sei organiza programa Dili International Trade Expo iha Dili. Programa ida ne’e, hanesan meius ida oinsa atu promove no lori produtus potensiais Timor nian tama  iha Merkadu global.

Lia hirak ne’e, Ministro hato’o, hafoin enkontru ho artista timoroan Maria Vitoria no Crimson iha, Gabinete Ministro MCI, Fomento Mandarin Dili.

Tuir Ministru katak, eventu ida ne’e, nu’udar eventu dahuluk iha Timor-Leste, ne’ebe governo liuhusi MCI organiza, no governo iha mehi bo’ot ida katak, liuhusi eventu ne’e bele eleva no lori produtus Timor nian tama iha merkadu global, tamba komisaun mos konvida ona grupus mikro pequenas sira ne’ebe durante ne’e eziste ho produsaun Indústria ki’ik sira, no governo iha ona plano hodi konvida bainaka VVIP sira husi nasaun ASEAN nian, no investór sira hodi partisipa direta iha DITE 2025.

 

“ Hau hanoin ho programa ne’e, bele hametin diak liu tan konetividades entre emprezário timor oan iha rai laran ho investor bo’ot sira husi rai liur, liu-liu nasaun ASEAN sira, ho ida ne’e bele sai nu’udar pasu ida diak liu hodi bele dezenvolve produtus Timor nian iha merkadu internasional”

Iha enkontru ne’e, Ministro MCI husu ba artista timoroan hotu inklui “MARVI ho CRIMSON” hodi bele partisipa no halo promosaun ba produtu sira hanesan café no produtus sira seluk ne’ebe sai ona brand Timor nian.

Entretanto, artista Timor oan MARVI no Crimson, pronto hodi kolabora e partisipa iha konsertu abertura feira DITE 2025.