𝐅𝐨𝐫𝐮𝐦 𝐍𝐞𝐠ó𝐬𝐢𝐮; 𝐎𝐩𝐨𝐫𝐭𝐮𝐧𝐢𝐝𝐚𝐝𝐞 𝐤𝐨𝐨𝐩𝐞𝐫𝐚𝐬𝐚𝐮𝐧 𝐊𝐨𝐦é𝐫𝐬𝐢𝐮 𝐞𝐧𝐭𝐫𝐞 𝐈𝐧𝐝𝐨𝐧é𝐳𝐢𝐚- 𝐓𝐢𝐦𝐨𝐫 𝐋𝐞𝐬𝐭𝐞

Jakarta, 11 Jullu 2025- Ministru Komérsiu no Indústria 𝙎𝙧. 𝙉𝙞𝙣𝙤 𝙋𝙚𝙧𝙚𝙞𝙧𝙖, partisipa iha abertura forum emprezariál entre Indonézia ho Timor- Leste kona-ba Oportunidade Kooperasaun Komérsiu. Forum ne’e halo abertura husi Vise-Ministra Komérsiu 𝙎𝙧𝙖. 𝘿𝙮𝙖𝙝 𝙍𝙤𝙧𝙤 𝙀𝙨𝙩𝙞, iha Gabinete Ministériu Komérsiu Jakarta, Indonézia (𝗦𝗲𝘀𝘁𝗮-𝗳𝗲𝗶𝗿𝗮, 𝟭𝟭 𝗝𝘂𝗹𝗹𝘂 𝟮𝟬𝟮𝟱).

Forum ne’e hanesan parte ida husi série vizita husi Ministru Komérsiu no Indústria, Sr. Nino Pereira, ba Ministériu Komérsiu Jakarta indonézia.

Iha okaziaun ne’e Vise-Ministra Komérsiu Sra. Roro hateten, Timor-Leste la’os de’it sai destinu ba esportasaun maibe sai mos parseiru estratéjiku ba indonézia iha rejiaun ASEAN. Komérsiu Indonézia-Timor Leste hatudu tendénsia kreximentu iha tinan lima ikus ne’e, ne’ebé domina hosi esportasaun naun-petrolíferu no gás.

Forum negósiu ne’e diskute kona-ba oportunidade kooperasaun komérsiu entre Indonézia no Timor-Leste hodi hametin lasu ekonómiku no esplora kolaborasaun potensiál sira iha setór oioin inklui komérsiu, investimentu, no dezenvolvimentu empreza ki’ik no médiu (MSMES).