𝐑𝐞𝐳𝐮𝐥𝐭𝐚𝐝𝐮: 𝐊𝐚𝐧𝐝𝐢𝐝𝐚𝐭𝐮 𝟒𝟒 𝐡𝐮𝐬𝐢 𝐊𝐍𝐈 𝟓 𝐚𝐯𝐚𝐧𝐬𝐚 𝐛𝐚 𝐅𝐚𝐳𝐞 𝐀𝐤𝐚𝐦𝐩𝐚𝐦𝐞𝐧𝐭𝐮

Hafoin vizita tiha fatin negósiu ba aldeia liu 60 iha munisípiu 11 hodi intervista no halo inspesaun ba aplikante KNI 5 ho totál na’in 112 (Mane 63 no Feto 49), ekipa avaliasaun husi MCI no UNDP-YEES susesu selesiona kandidatu hamutuk 44 (Mane 29 no Feto 15) hodi hakat ba faze Akampamentu.

Kandidatu sira ne’e sei partisipa Akampamentu durante loron ualu ( 8 ), iha ne’ebé sira sei aprende kona-ba:

Dezenvolve Planu Negósiu

Aumenta Ideia Negósiu

Komersializasaun/Marketing

Identifika pesoál ka traballadór sira

Organizasaun no Jestaun

Aprovizionamentu iha Negósiu

Kálkulu Kustu

Planu Finanseiru

Identifika Kapitál Inisiál no Fonte Kapitál potensiál sira

Programa ne’e hola parte iha Projetu YEES, ne’ebé finansia hamutuk husi KOICA, Governu Timor-Leste liuhusi MCI, no UNDP, ho objetivu atu promove empregu, empreendedorizmu, no diversifikasaun ekonómika iha Timor-Leste tomak.

NB: Ami enkoraja tebes ba joven sira ne'ebé maka la hetan selesaun iha tempu ida-ne'e atu aplika fali iha etapa tuirmai.