𝐈𝐧𝐚𝐠𝐮𝐫𝐚𝐬𝐚𝐮𝐧 𝐛𝐚 𝐄𝐝𝐢𝐟í𝐬𝐢𝐮 𝐟𝐨𝐮𝐧 𝐌𝐢𝐧𝐢𝐬𝐭é𝐫𝐢𝐮 𝐊𝐨𝐦é𝐫𝐬𝐢𝐮 𝐧𝐨 𝐈𝐧𝐝ú𝐬𝐭𝐫𝐢𝐚 𝐢𝐡𝐚 𝐌𝐮𝐧𝐢𝐬í𝐩𝐢𝐮 𝐌𝐚𝐧𝐮𝐟𝐚𝐡𝐢

Manufahi, 12 Dezembru 2025

Ministru Komérsiu no Indústria, Sr. Nino Pereira, sexta-feira semana ne’e(12/12/25), halo inagurasaun simbóliku ba edifísiu foun MCI iha Munisípiu Manufahi.

Objetivu prinsipál hari’i edifísiu foun MCI, Unidade Serbisu Deskonsentradu (USD), atu fó fasilidade no kondisaun servisu di’ak liu ba funsionáriu sira ne’ebé destakadu iha Munisipiu sira.

Ministru Komérsiu no Indústria iha nia diskurso, esklarese katak, edifísiu foun ne’e sei fó kondisaun di’ak ba funsionáriu sira atu servisu ho efisiénsia no hadia imajen institusionál MCI iha nivel munisípiu.

Edifisiu foun ne’e sei ajuda implementa programa komérsiu no indústria iha Manufahi nomos sei fó suporta ba mikro, média no pequena empresáriu (MSME) atu aumenta produsaun lokál. Edifisu foun ne’e hetan bensa husi Amo Parokia Manufahi, Pe. Albino Marques.

Entertanto Edifísiu foun Ministériu Komérsiu no Indústria, Unidade Serbisu Deskonsentradu (USD), estabelese iha Munsípiu haat hanesan; Manufahi, Covalima, Ermera no Manatuto, maibe inagurasaun ne’e konsentra iha Munisípiu Manufahi.

Partisipante iha serimónia ne’e Reprezentante PAM Munisípiu Manufahi, Komandante PNTL Munisípiu Manufahi, reprezentante husi liña ministeriál, Diretór Jerál Indústria, Diretór Rekursu Umanu, no Diretór USD Munisípiu Manufahi, Covalima, Ermera no Manatuto inklui funsionáriu sira.