𝐀𝐡𝐢-𝐇𝐨𝐫𝐢𝐤 𝐬𝐚𝐢 𝐬𝐚𝐬𝐚𝐧 𝐬𝐢𝐫𝐚 𝐧𝐞’𝐞𝐛𝐞 𝐢𝐡𝐚 𝐕𝐚𝐥𝐨𝐫 𝐧𝐨 𝐚𝐭𝐫𝐚𝐭𝐢𝐯𝐨

Manufahi, 12 Dezembru 2025

Ministru Komérsiu no Indústria, Sr. Nino Pereira, hamutuk ho komitiva halo vizita ba iha fatin artezenatu hodi observa direta prosesu produsaun ahi-horik no hetan esplikasaun husi nain ba arte, Sr. Francisco Noronha da Costa, kona-ba arte ne’ebé nia halo, hanesan tradisaun kontinuasaun husi ina-aman sira.

Vizita ne’e, Ministru enkoraja no fó apoiu hodi valoriza kreatividade lokal ne’ebe maluk sira ne’e halo, hodi ajuda hasa’e kresimentu ekonomi familia.

Materiál prima mai husi natureza, hafoin prosesu sai arte ida, beleza no talentu ne’ebé hatutan ona husi bei’ala sira, ikus mai transforma ba arte ne’ebé furak ho folin-bo’ot.

Nain ba arte ne’e aprezenta sentidu kontente no orgullu tanba hetan vizita direta husi Ministru Komérsiu no Indústria, ba sira nia fatin produsaun ahi-horik ne’ebé riku ba natureza hodi transforma ba arte ida ne’e.