𝐀𝐩𝐫𝐞𝐳𝐞𝐧𝐭𝐚𝐬𝐚𝐮𝐧 𝐅𝐞𝐬𝐭𝐢𝐯𝐚𝐥 𝐅𝐢𝐭𝐮𝐧 𝐅𝐞𝐬𝐭 𝐈𝐧𝐭𝐞𝐫𝐧𝐚𝐬𝐢𝐨𝐧𝐚𝐥 𝐓𝐢𝐦𝐨𝐫-𝐋𝐞𝐬𝐭𝐞 𝐇𝐮𝐬𝐢 𝐀𝐄𝐆𝐂𝐓𝐋

Dili, 23 Juñu 2025- Asosiasaun Emprendedorizmu no Jestaun Kultural (sigla português AEGCTL) hasoru Ministro Komérsiu no Indústria Sr. Nino Pereira hodi aprezenta eventu Festival Fitun Fest Internasional Timor-Leste Úniku 2025, iha Sala Gabinete Ministro MCI, Fomento Mandarin Dili.

Iha ámbitu ida-ne’e, Asosiasaun Empreendedorizmu no Jestaun Kulturál kria FITUN FEST, festivál internasionál ne’ebé sai hanesan selebrasaun emblemátika ba istória, kalibre no identidade timoroan sira-nian iha mundu no atu promove dezenvolvimentu nasaun nian.

Tinan 2025 sei sai marku importante ba Timór-Leste, ho destake sira inklui selebrasaun tinan 50 Proklamasaun Unilateral Independénsia RDTL nian, realizasaun Jogu Desportivu CPLP nian ba dala XII no adezaun Timor-Leste ba ASEAN. Eventu ne’e koloka Timor-Leste nu’udar espasu úniku ba konverjénsia entre mundu luzófonu no Sudeste Aziátiku, hodi fó oportunidade istórika ida atu estabelese hikas ninia identidade kulturál no afirma papél nu’udar ponte entre kultura no sivilizasaun.

FITUN FEST 2025 hanesan plataforma úniku ida atu selebra no promove diversidade kulturál, haburas koezaun sosiál no projeta rikusoin kulturál timoroan nian iha palku internasionál. Ida-ne'e dezeña hodi konsidera Planu Estratéjiku Dezenvolvimentu Timor-Leste 2011-2030, no tama iha ámbitu Programa IX Governu Konstitusionál nian no iha ligasaun ho Ajenda 2030 ba Dezenvolvimentu Sustentável.

Associação de Empreendedorismo e Gestão Cultural de Timor-Leste