𝐓𝐈𝐌𝐎𝐑-𝐋𝐄𝐒𝐓𝐄 𝐇𝐀𝐅𝐎𝐑𝐒𝐀 𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐈𝐏 𝐆𝐋𝐎𝐁Á𝐋 𝐈𝐇𝐀 𝐀𝐒𝐄𝐌𝐁𝐋𝐄𝐈𝐀 𝐖𝐈𝐏𝐎 𝟐𝟎𝟐𝟓 𝐈𝐇𝐀 𝐆𝐄𝐍𝐄𝐁𝐑𝐀

Genebra, 08-17 Jullu 2025,

Delegasaun Republika Demokratika Timor-Leste partisipa iha Asembleia Jeral Organizasaun Mundial Propriedade Intelektual (WIPO) ne'ebé hala'o iha Kuartel-Jeral WIPO nian iha Jenebra, Suisa, ne'ebé lidera husi S.E. Embaixador no Misaun Permanente Nasoins Unidas nian iha Jenebra, Sr. Antonio da Conceicao no ofisiál seniór sira husi Ministeriu Komersiu no Industria (MCI), Koordenador GCPR, Sr. Elias de Jesus Fatima no Diretor-Jeral Industria, Sr. Martins Magno, akompaña husi Senior Counselleiro ba misaun parmanente iha Genebra Sr. Nuno Alvares Moniz Marques Alves. konklui ho susesu sira nia partisipasaun iha Asembleia Jeral Organizasaun Mundial Propriedade Intelektual (WIPO).

Ida ne'e marka pasu signifikativu ida ba oin iha Timor-Leste nia viajen hodi prepara ba estabelesimentu ninia Gabinete Nasional Propriedade Intellectual (IP). Vizaun nasaun nian mak atu kria sistema IP ida-ne'ebé modernu, efisiente no inkluzivu, ne'ebé suporta inovasaun nasionál, prezervasaun kulturál no dezenvolvimentu ekonómiku sustentavel.

Durante misaun, delegasaun ne'e hala'o sorumutu nivel aas no tékniku oin-oin ho lideransa WIPO, parseiru Lusofone no instituisaun rejionál sira. Kompromisu hirak-ne'e foka liu ba preparasaun lejizlativa, kapasitasaun, infraestrutura dijitál no governasaun institusionál ba sistema IP iha nasaun sira ne'ebé ladún dezenvolve.