𝐑𝐞𝐮𝐧𝐢𝐚𝐮𝐧 𝐂𝐀𝐅𝐈 𝐤𝐨𝐧𝐚-𝐛𝐚 𝐚𝐩𝐫𝐨𝐯𝐚𝐬𝐚𝐮𝐧 𝐩𝐫𝐨𝐣𝐞𝐭𝐮 𝐤𝐨𝐧𝐬𝐭𝐫𝐮𝐬𝐚𝐮𝐧 𝐌𝐞𝐫𝐤𝐚𝐝𝐮 𝐟𝐨𝐮𝐧 𝐢𝐡𝐚 𝐦𝐮𝐧𝐢𝐬𝐩𝐢𝐮 𝐡𝐚’𝐚𝐭 𝐧𝐨 𝐬𝐞𝐧𝐭𝐫𝐮 𝐤𝐨𝐦𝐞𝐫𝐬𝐢á𝐥.

Dili, 17 Jullu 2025- Ministru Komérsiu no Indústria Sr. Nino Pereira akompaña husi ekipa tékniku Ministériu Komérsiu no Indústria(MCI) partisipa reuniaun CAFI ne’ebe realiza iha ADN,IP Fatuhada, Dili.

Reuniaun ne’e Ministru MCI ho ekipa tékniku halo aprezentasaun ba CAFI kona-ba servisu konsultoria ba preparasaun projetu dezeñu enjeñaria detallada (DED) ba konstrusaun merkadu foun iha munisípiu ha’at(4) hanesan; Ainaro, Covalima, Bobonaro no Manufahi no sentru komersiál iha Taibessi no Manleuana Dili.

Termu referénsia ba projetu ne’e, hafoin halo verifikasaun husi ajénsia dezenvolvimentu nasionál (ADN) husi karta ofisiál Ref. 1237/ADN,IP/VII/2025, loron 14 fulan-Jullu tinan 2025, no ohin projetu ida ne’e hetan aprovasaun iha reuniaun Konsellu Administrasaun Fundu Infraestrutura nian ba “Design And Build” ne’ebe maka sei implementa iha tinan 2026.

Partisipa iha reuniaun ne’e, Ministru Planeamentu no Investimentu Estratéjiku, Sr. Gastão Francisco de Sousa, Ministru Agrikultura, Pekuária, Peska no Florestas, Sr. Marcos da Cruz, Ministru Transportes no Komunikasoins, Sr. Miguel Marques Gonçalves Manetelu, Ministru Obras Públikas Sr. Samuel Marçal, Ministru Interiór Sr. Francisco da Costa Guterres, asesór no ekipa tékniku sira.